(၁၇ - ၁ - ၂၀၁၉၊ ဗီယင်ကျန်းမြို့၊ လာအိုနိုင်ငံ)

လာအိုပြည်သူ့ဒီမိုကရက်တစ်သမ္မတနိုင်ငံဆိုင်ရာ မြန်မာသံအမတ်ကြီး ဦးကိုကိုနိုင်နှင့် ဇနီး ဦးဆောင်သည့် မြန်မာသံရုံး၊ ဗီယင်ကျန်းမြို့သည် ၁၇ - ၁- ၂၀၁၉ ရက်နေ့ ၁၈:၃၀ နာရီတွင် လာအိုနိုင်ငံ ဗီယင်ကျန်းမြို့ရှိ Don Chan Palace Hotel ၌ ၇၁ နှစ်မြောက် လွတ်လပ်ရေးနေ့ အထိမ်းအမှတ် ဧည့်ခံပွဲအခမ်းအနား ကျင်းပပြုလုပ်ခဲ့ရာ လာအိုနိုင်ငံ အလုပ်သမားနှင့် လူမှုဖူလုံရေးဝန်ကြီးဌာန ဝန်ကြီး H.E. Dr. Khampheng SAYSOMPHENG နှင့် နိုင်ငံခြားရေးဝန်ကြီးဌာန ဒုတိယဝန်ကြီး H.E. Mr. Sengphet HOUNGBOUNGVANG တို့က အဓိကဧည့်သည်တော်အဖြစ် တက်ရောက်ခဲ့ကြပြီး စွမ်းအင်နှင့် သတ္တုတွင်းဝန်ကြီးဌာန ဝန်ကြီး H.E. Dr. Khammany SINTHAVONG ၊ ပြည်သူ့လုံခြုံရေးဝန်ကြီးဌာန ဒုတိယဝန်ကြီး H.E. Pol. Maj Gen Sinthavong XAYYAKONE ၊ မြန်မာ - လာအိုချစ်ကြည်ရေးအသင်းဥက္ကဌ H.E. Mr. Chanthavong SENGAMADONTY တို့က အထူးဧည့်သည်တော်များအဖြစ် တက်ရောက်ခဲ့ကြပါသည်။ လာအိုနိုင်ငံ ဝန်ကြီးဌာအသီးသီးမှ အကြီးအကဲများ၊ လာအိုနိုင်ငံဆိုင်ရာ သံအမတ်ကြီးများနှင့် ဇနီးများ၊ စစ်သံမှူးများနှင့် ဇနီးများ၊ ကုလသမဂ္ဂလက်အောက်ခံအဖွဲ့အစည်းများမှ ပုဂ္ဂိုလ်များနှင့် လာအိုနိုင်ငံရောက် မြန်မာနိုင်ငံသား များ စုစုပေါင်း ၁၇၀ ဦးခန့် တက်ရောက်ခဲ့ကြပါသည်။ ဧည့်ခံပွဲတွင် အာရှ၊ ဥရောပ အစားအစာ များအပြင် မြန်မာ့ရိုးရာအစားအစာများဖြစ်သည့် ကြက်သားကြာဇံချက်နှင့် ငါးမုန့်ကြော်တို့ဖြင့် တည်ခင်းဧည့်ခံခဲ့ပါသည်။